Contre l'incinérateur Corse

Dessins humoristiques

L'équipe de coordination — 2007-07-20T13:59:32Z

A bocca d'infernu

L'équipe de coordination — 2007-06-09T00:46:25Z

A bocca d'infernu

Se dumane nasce u fornu d'infernu
Puderemu sbirbà di paese per l'eternu
Avedeci lu mandarinu é la capra turza.
Salute u siscu, u fume é a puzza

A pesta attipperà per e sarre
U cignale sbussulatu falerà per mare
U pastore cambiera di rughione
Per salvà lu so bandaglione

I nostri merri cunteranu un danaru
Ch'averanu zifratu à rughja paru
Pienu zuffu serà lu cantarale
Puderanu pusà nant'u bancale

Ma lu nostru Signore benedettu
Ci lamperà qualchi saetta
Cusi di a bocca maladetta
Ci fermera forse un frisgettu !

Francescu Santini

U Fornu Maladettu

2007-04-24T22:49:12Z

U pueta sempre francu
Dice ciò ch'ellu risente
Eppò qualchi volta ancu
Si ne piglia à lu putente
Incu a penna mai stancu
A so voce face sente.

O ghjente di cursichella
Incu a rima à lu mo tornu
Parlavi vogliu una stundarella
Di lu maladettu fornu
Ch'elli ci volenu impone
Pè attuscà ghjente è rughjone.
Per sbarazzassi di u mulizzu
Che no femu oghje assai
Volenu fà un sciucchizzu
Chi ci pò mette indu i guai
In brusgendu notte é ghjornu
A rubaccia ind'un fornu.

U chjamanu incinneratore
In lingaghju mudernu
Ma induve lu so fume corre
Manda tuttu à caternu
E di l'isulella fiore
Ne pò fà tandu un infernu.

Facenu li so belli discorsi
Puliticanti cu falsi sapienti
Dicendu sintite o corsi
Noi simu cumpitenti
Dendusi un colpu di manu
Da u malignu à u ciarlatanu.

Per Chernobyl mi ramentu
Listessu era lu discorsu
E ava quande li sentu
Più grande hè lu mo rimorsu
D'ave cridutu certi fiati
Causa di tanti malati.

Ghjocanu incu à salute
Di li nostri più cari
E si e lingue stanu mute
Saranu mumenti amari
Dunque l'ore sò vinute
Di difende i nostri affari.

Carne, brocciù incu casgiù _ Urtaglia, mele è farina
Tandu avaranu l'asgiù
Sarà la nostra ruina
E mancu più li turisti
Ci vinaranu l'istatina.

A quelli di lu cumandu
Li adirrizzu una prichera
E ad elli m'arricumandu
Di sceglie l'altra manera
Quella chi un sparghje vilenu
E nulla brusgia à fornu pienu.

A l'amichi di u cullettivu
Li vogliu lampa lu fiore
Pé avè dettu à lu gattivu
Chi vole l'incinneratore
Chi di pace sarà privu
S'ellu un lascia micca corre.

Li marchjaremu à fiancu
Per dalli forza è putenza
Inc'un core tamentu
Chi pigliatu avemu cuscenza
Di u piriculu maiò
E cun'elli dimu innò.

Conte de Noël

2007-04-24T22:40:59Z

Il était une fois, dans l'île de Corseliandre,
Qui était ni à acheter et encore moins à vendre,
Un prince, mais alors vraiment entêté,
Syvadec on le nommait.
Le problème de ce prince était que ses sujets
Produisaient bien trop de déchets.
Partout dans la nature,
Fleurissaient les dépôts d'ordures.

Syvadec ne sachant que faire et connaissant un magicien,
Alla donc trouver son ami Merlin.
« C'est simple lui dit l'enchanteur,
Il faut faire un incinérateur ».
Mais le prince s'inquiéta à cause des écolos.
Alors Merlin lui écrivit un beau scénario.
Lorsqu'ils présentèrent le projet,
Ce ne fut que rejet.

Un collectif se créa contre l'incinération
Disant qu'il existait d'autres solutions.
Réunions, manifestations, il fit tant de bruit,
Que finalement le roi entendit.
Le roi, père de Syvadec, qui s'appelait CTC,
Lui dit « Maintenant c'est assez,
Ecoutes un peu tous ces gens
Qui se battent pour leurs enfants.
Si tu réveilles Dioxine et Furane, les méchantes fées,
Elles vont tous nous empoisonner ».

Mais Syvadec n'écoutait pas.
Mieux, il continuait son cinéma.
Alors tous les habitants de l'île,
Se battant pour les générations futures,
Lui menèrent la vie très dure.

Tazzu, cancari e saette
Tutti contr'a u Syvadec !

Ils passèrent au forum de RCFM,
Une émission que tout le monde aime,
Pour dire parfois en plaisantant,
Leur mécontentement.
Enfin ils firent tant et si bien,
Que Syvadec et Merlin,
Qui dans le fond avaient de bonnes intentions,
Abandonnèrent l'incinération !

Depuis, un bon air pur tout le monde peut respirer,
Et Corseliandre est toujours une île de beauté

L'incineratore

2007-04-15T03:18:29Z

Avemu avutu a « Tchernobylu »
Nulla ùn s'hè pussutu fà
Oghje sìamu tutti uniti
È circhemu di luttà
Chì veramente sò decisi
Di vulecci avvelenà
Cume ch'elli sò astuti
È sanu cusì bè parlà
Dìcenu cun c'hè perìculu
Ci vole à lascià brusgià
Si u nostru mulizzu ùn basta
C'hè quellu da mare in dà
O la nostra Cursichella
Cume ch'ell'hè castigata
Sbàrcanu tutti quì
Per piglià a so pilata
A saluta di a ghjente
Oghje hè pocu rispettata
Avete travagliatu in sottu
Voi cume a rimigna
Si oghje battite u spronu
Noi battemu a briglia
Tenaremu sempre forte
Per difende a nostra sorte
Avete vistigatu a preda
È ùn la vulete lentà
Cume curbacci famiti
Ùn fate chè grachjighjà
Ùn ci cuntate chè fole
È bugie in quantità
A Còrsica hè cusì bella
Voi a vulete imbruttà
À quelli chì campemu quì
Ci vulete avvelenà
Vulete a nostra fine
Tuttu fènduci pacà
Ma ùn vurebbe chì sta chjama
Ch'ella ribombi ind'un disertu
Vurebbe ch'ella sia intesa
Eppò esse sicuru è certu
Ch'ugnunu dìa a so risposta
Per difende a nostra Còrsica.